Vaarjelh datnem jïh mubpide suetiem geerjehtidh

Utnieh gåhkoem

Utnieh gåhkoem mubpide dovne gåetiej sisnie jïh ålkone, jïh aellieh årroeh gusnie jïjnjh almetjh.

Råajvarimmieh faamosne gaajhkene tsiehkine jïh dah sijhtieh jiehtedh vuesiehtimmien gaavhtan datne edtjh oktegh åesiestidh, aellieh sosijaale gaavnesjimmine årroeh bielelen lïhkemes almetjidie, barkh gåetesne jïh aellieh kollektijvevalkesinie vuelkieh jis ih daarpesjh feeledh.

Årroeh gåetesne jïh teestem vaeltieh jïlhts dov leah lijnies vaejvieh

Maanah jïh geerve almetjh gïeh skïemtjes demtieh edtjieh gåetesne årrodh barkoste, skuvleste, aarhskuvleste jïh jeatjah darjoemistie. Daate faamosne aaj jis dov lijnies vaejvieh. Datne edtjh aaj teestem vaeltedh jïh aellieh mubpide gaavnedh.

Barkh gåetesne

Folkhälsomyndigheten raereste gaajhkh gïeh maehtieh edtjieh gåetesne barkedh. Soptsestellieh dov barkoevedtiejinie nuepiej bïjre gåetesne barkedh. Dïhte vihkeles barkoevedtije dïedtem vaalta barkoebyjresen åvteste aaj gosse gåetesne barkh.

Gaavnedidie vaenebe almetjidie, aellieh lïhke gaskesh utnieh

Vaahra covid-19:m åadtjodh, jïh suetiem vijrebe geerjehtidh, jeanene dan mietie jis jienebe almetjh gaavnedh. Gaertjedh dov lïhke gaskesh jïh ajve dejtie datne ektesne årroeh vuj naakenh vaenieh voelph vuj lïhkes almetjh gaavnedidh.

Jis gåarede maehtede ålkone gaavnedidh, jïh utnieh gåhkoem mubpide.

Vaksineerh datnem gosse nuepiem åadtjoeh

Vaksinasjovne vaahram vaenede guktie covid 19:ste itjimies skïemtjedidh vuj jaemedh. Gaajhkh båarasåbpoe 18 jaepeste åadtjoeh vaksijnasjovne-faalenassem. Folkhälsomyndigheten webbsijjesne bïevnesh gååvnesieh vaksijnasjovnen bïjre. Dïhte jïjtjevyljehke jis sïjhth vaksineeredh mohte Folkhälsomyndigheten raereste datne gie maahtah, edtjh vaksijnasjovnese jååhkesjidh. 1177.se:sne maahtah lohkedh guktie vaksijnasjovnem öörnie gusnie datne årroeh.

Bïssh gïetide daamtaj

Laanestimmieiebnh aelhkieslaakan gïetide dabranieh. Dah maehtieh vijrebe geerjehtidh gosse datne vuesiehtimmien gaavhtan gïetine buarastahtah. Bïssh dan gaavhtan gïetide daamaj jïh veelelaakan tjoeline jïh baahkes tjaetsine, unnemes 20 sekundh.

Bïssh gïetide eejnegen gosse datne:

  • gåatan båatah vuj gosse dov barkose båatah
  • ålkone orreme
  • beapmoej åvtelen
  • beapmoem gïetedh
  • onnegåetesne orreme

Gïetesprïjhte (vuj seammaleejns gïetedesinfeksjovne) maahta alternatijve årrodh jis ih maehtieh gïetide bïssedh.

Aellieh tjelmide, njueniem jïh njaelmiem doehtehth guktie ij suetie dov njevlieskïelti gåajkoe båetieh. Dïhte aaj vihkeles gossehtidh jïh gesnestidh gïetegaavese vuj paehperenjaamelijnese.

Dåemedh eejnegen laanestimmievihties

Datne tjoerh darjodh maam maahtah darjodh guktie datnem jïh mubpide covid-19:n geerjehtimmien vööste. Datne edtjh jïjtje ussjedidh guktie maahtah dåemiedidh guktie ih sjïdth laanestidh, guktie gåhkoem höölth jïh guktie maahtah dåemiedidh guktie ih mubpide laanesth. Datne edtjh mubpide krööhkestidh. Sjïere vihkeles almetjidie vaahradåehkine.